ماڳ تائين رسائي اڄڪلھ مشڪل آهي ڇو ته گهريون کاريون مٽيءَ جي تھن ۾ ڪٽيل آھن  انھي  ڪري علائقي تائين زميني رستي ذريعي پهچڻ بہ مشڪل ٿي پيو آھي. ٻيڙيءَ ذريعي رسائي به مشڪل بڻجي چڪي آهي ڇاڪاڻ تہ ماڻهو صرف وڏي وير دوران ئي ماڳ تي پهچڻ ۾ ڪامياب ٿي سگھن ٿا، پر ان کي ڏسڻ  لاءِ گهٽ لهرن جو انتظار ڪرڻو پوندو. ماڳ جا ڏسڻ ۾ ايندڙ حصا، هڪ چورس شڪل وارو قلعو، هڪ قبرستان، هڪ بٺي، ۽ هڪ وڏي مسجد لڳي ٿي. ماڳ تان مليل ڪوفي لکت واريون پٿر جون سليبون ۱۲هين صديءَ جي آخر کان ۱۳هين صدي جي شروعات تائين ممڪن عمر جي نشاندهي ڪن ٿيون. جڏھن ته مٿاڇري جا باقي آثار اھڙا آھن جيڪي ان دور کي ڄاڻڻ لاءِ مددگار ثابت ٿي سگھن ٿا جڏهن ماڳ تي قبضو ڪيو ويو هو، اهو ضروري ناهي ته قبضي جي ابتدائي دور جي نشاندهي ڪن. ان لاءِ ماهرين آثار قدیمہ کي سائنسي طريقي سان کوٽائي ڪرڻي پوندي، جيڪو هڪ اهم چئلينج آهي، ڇو ته هي ماڳ وچ سامونڊي لهرن واري علائقي ۾ واقع آهي.